Բժիշկները Էլդար Ռյազանովի վիճակի բարելավում են նշել
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Ռեժիսոր Էլդար Ռյազանովը նոյեմբերի 26-ի առավոտյան մնում Է վերակենդանացման բաժանմունքում, բայց նրա վիճակը լավանում Է: Այդ մասին, ինչպես տեղեկացնում Է «Արմենպրես»-ը, «Ինտերֆաքս»-ին հայտնել Է Բուրդենկոյի անվան նեյրովիրաբուժության գիտահետազոտական ինստիտուտի ղեկավարության մի աղբյուր:
«Առավոտյան տվյալներով՝ Էլդար Ալեքսանդրովիչը մնում Է վերակենդանացման բաժանմունքում, սակայն ընդհանուր առմամբ նրա վիճակը լավանում Է, նա գիտակից վիճակում Է: Հնարավոր Է՝ նրան հաջողվի խուսափել նաեւ խոսելու հետ կապված խնդիրներից»,-ասել Է աղբյուրը:
Ավելի վաղ ինստիտուտի ղեկավարության աղբյուրը հայտնել Էր, որ ռեժիսորի վիճակը ծանր Է: «Էլդար Ալեքսանդրովիչն առայժմ վերակենդանացման բաժանմունքում Է: Նրան ընդհանուր պալատ տեղափոխելը դեռ վաղ Է: Նրա վիճակը, ցավոք, գնահատվում Է՝ ծանր»,-ասել Է աղբյուրը:
Իր հերթին Բակուլեւի անվան կենտրոնի ղեկավար ակադեմիկոս Լեո Բոկերիան ՏԱՍՍ-ին ասել Է, որ Ռյազանովը սիրտ-անոթային վիրաբուժության կենտրոն տեղափոխվելու կարիք չունի:
«Տեղափոխման շուրջ ոչ մի խոսակցություն չի եղել»,-նշել Է Բոկերիան: «Երեկ մեր պրոֆեսոր Ալեքյանը եղել Է Ռյազանովի մոտ, մենք այնտեղ անելիք չունենք, սրտի վիճակը նորմալ Է»,-ասել Է ակադեմիկոսը: «Ռյազանովն ապաքինվում Է»,-հավելել Է նա:
Բաժանորդագրվեք մեր ալիքին Telegram-ում