Մեսին`իր նոր ռեկորդի մասին
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Կատալոնական «Բարսելոնա»-ի արգենտինացի հարձակվող Լեո Մեսին խոստովանել է, որ ուրախ է Չեմպիոնների լիգայում իր սահմանած ռեկորդի համար:
«Ես շատ ուրախ եմ, սա իսկապես անհավատալի է, ֆանտաստիկ է։ Այս հանդիպումը շատ կարևոր էր թիմի և ինձ համար: Վաստակեցինք 3 միավոր։ Մենք հրաշալի հանդիպում անցկացրեցինք և հաղթեցինք: Ցանկություն ունենք նույն ոգով շարունակել: Խմբային փուլի` ՊՍԺ-ի հետ վերջին հանդիպումը բարդ է: Նրանք բոլորին հայտնի են: Այս տարի նրանք ավելացրել են տեպը և ավելի ուժեղ են դարձել: Մենք խաղալու ենք մեր մարզադաշտում, փորձելու ենք հիանալի ֆուտբոլ խաղալ և առաջին հորիզոնականը զբաղեցնել»,-«Արմենպրես»-ի հաղորդմամբ, Մեսիի խոսքը մեջ է բերում ՈւԵՖԱ-ի պաշտոնական կայքը:
Չեմպիոնների լիգայի խմբային փուլի ԱՊՕԵԼ-«Բարսելոնա» խաղում Լեո Մեսին դարձավ հեթ-տրիկի հեղինակ և գերազանցեց Ռաուլի` Չեմպիոնների լիգայի բոլոր ժամանակների լավագույն ռմբարկուի ռեկորդը:
Բաժանորդագրվեք մեր ալիքին Telegram-ում