ԳԱՎԱՌ, 24 ՆՈՅԵՄԲԵՐԻ, ԱՐՄԵՆՊՐԵՍ: Գեղարքունիքի մարզի տարածքում ձյան տեղումներն սկսվել են նոյեմբերի 24-ի առավոտվա ժամը 7-ից և առատորեն շարունակվում են հիմնականում Սեւանի եւ Գավառի տարածքներում:

Ինչպես «Արմենպրես»-ին տեղեկացրեց Գեղարքունիքի մարզպետարանի աշխատակազմի քաղաքաշինության վարչության տրանսպորտի եւ ճանապարհաշինության բաժնի վարիչ Գեւորգ Խաչատրյանը, վերոնշյալ տարածքներում արդեն ձյան շերտը կազմում է մոտ 10 սանտիմետր, իսկ ահա մարզի մյուս տարածքներում առկա է աննշան ձնածակույթ: Գավառի եւ Սեւանի տարածքների ավտոճանապարհները ենթարկվում են մաքրման եւ մշակման, սակայն ջերմաստիճանի գիշերային անկման պայմաններում հնարավոր է մերկասառույցի ձեւավորում: Վարդենյաց լեռնանցքում թեեւ առավոտյան առկա է եղել մերկասառույցի շերտ, սակայն այն եղել է անցանելի:

Խոսրով Խլղաթյան