ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: Շախմատի աշխարհի չեմպիոն նորվեգացի Մագնուս Կարլսենը պահպանեց աշխարհի չեմպիոնի կոչումը:

Մրցախաղի 11-րդ տուրում Կարլսենը խաղում էր սպիտակ խաղաքարերով: Գրոսմայստերները կատարեցին 45 քայլ, որի հետո հնդիկ շախմատիստ Վիշի Անանդը հանձնվեց: Այս հաղթանակից հետո Կարլսենը հավաքեց 6,5 միավոր, և ինչպես մեկ տարի առաջ էր` դարձավ աշխարհի չեմպիոն:

Կարլսենը ծնվել է 1990թ նոյեմբերի 30-ին Նորվեգիայում։ Աշխարհի ամենաերիտասարդ գրոսմայստերներից մեկն է (կոչմանն արժանացել է 13 տարեկանում)։ Շախմատային աշխարհի հետ նրան ծանոթացրել է հայրը, երբ նա ընդամենը հինգ տարեկան էր։ Իսկ ավելի լուրջ Կարլսենը սկսել է զբաղվել շախմատով 8 տարեկանում։ Նա գրքեր էր կարդում, մասնակցում տարբեր մրցաշարերի, օրական 2-3 ժամ զբաղվում է արագ շախմատով ինտերնետում։ 2004 թ արդեն իսկ մասնագետները նրան տեսնում էին աշխարհի չեմպիոնի տիտղոսակիր։