Վանաձորում թունավորման երկու դեպք է արձանագրվել
18:02, 23 Նոյեմբեր 2014
ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: Թունավորման նախանշաններով նոյեմբերի 23-ին` ժամը 15.19-ին, հոսպիտալացվել է Վանաձոր քաղաքի Գրիգոր Լուսավորիչ փողոցի թիվ 21 շենքի բնակչուհի Լ. Հ.-ը (ծնված 1935թ.): Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, բժիշկները տուժածի առողջական վիճակը գնահատել են միջին ծանրության:
ՀՀ ԱԻՆ-ում նոյեմբերի 23-ին` ժամը 13.35-ին, մեկ այլ տեղեկություն է ստացվել, որ թունավորման նախանշաններով հոսպիտալացվել է Վանաձոր քաղաքի Պարույր Սևակ փողոցի թիվ 47 շենքի բնակիչ՝ Ա. Հ.-ը (ծնված 1944թ.): Բժիշկները տուժածի առողջական վիճակը գնահատել են միջին ծանրության:
Բաժանորդագրվեք մեր ալիքին Telegram-ում