«Կայրաթ»-ը Ղազախստանի գավաթակիր. Ռոբերտ Արզումանյանը ինքնագոլի հեղինակ
17:34, 22 Նոյեմբեր 2014
ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Ֆուտբոլի Ղազախստանի գավաթի խաղարկությունում «Կայրաթ»-ը հաղթեց «Ակտոբե»-ին: Հայաստանի ֆուտբոլի ազգային թիմի անդամներ Ռոբերտ Արզումանյանը հանդիպման մեկնարկային կազմում էր, իսկ Պիզելին փոխարինման դուրս եկավ հանդիպման վերջնամասում: Արզումանյանը 20-րդ րոպեին դարձավ նաև ինքնագոլի հեղինակ: «Արմենպրես»-ի հաղորդմամբ` ի վերջո հանդիպումն ավարտվեց 1-4 հաշվով և երկրի գավաթակիր դարձավ «Կայրաթ»-ը:
Հայաստանի ազգային թիմի մեկ այլ անդամ Արթուր Եդիգարյանը, ով հանդես է գալիս «Կայրաթ»-ի կազմում, չկար թիմի հայտացուցակում, քանի որ վնասվածք էր ստացել Պորտուգալիա-Հայաստան խաղի ժամանակ:
Բաժանորդագրվեք մեր ալիքին Telegram-ում