Արոնյանը պարտվեց Նակամուրային առաջին պարտիայում
13:46, 22 Նոյեմբեր 2014
ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Շախմատի Հայաստանի հավաքականի առաջատար Լևոն Արոնյանը Նակամուրայի հետ առաջին պարտիայում պարտվեց: Հայաստանի հավաքականի առաջատարն առաջին պարտիայում խաղում էր սևերով: 48 քայլ կատարելուց հետո Արոնյանն անձնատուր եղավ: Հաջորդ պարտիայում Արոնյանը կխաղա սպիտակներով:
«Արմենպրես»-ի հաղորդմամբ, գրոսմայստերները պետք է խաղան 5 դասական պարտիաներ և 16 բլից մրցախաղեր: Պարտիաներն անցկացվում են ԱՄՆ Սենթ-Լուիս քաղաքում: Մրցաշարը մեկնարկել է նոյեմբերի 21-ին և կեզրափակվի նոյեմբերի 25-ին: Մրցաշարի մրցաշարային ֆոնդը կազմում է 100 հազար ԱՄՆ դոլար:
Բաժանորդագրվեք մեր ալիքին Telegram-ում