Յուրա Մովսիսյանը` Ռուսաստանի ազգային թիմի մասին
ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի ազգային թիմի և Մոսկվայի «Սպարտակ»-ի հարձակվող Յուրա Մովսիսյանը կարծիք է հայտնել Ռուսաստանի ազգային թիմի մասին: «Ես նոր եմ վերադարձել ազգային հավաքականից, թեպետ մի քիչ ընկճված եմ մեր թիմի անհաջողությամբ, սակայն գտնվում եմ լավ մարզավիճակում: Իսկ ինչ վերաբերում է Ռուսաստանի հավաքականին, ապա Ռուսաստանի հավաքականի առաջ բարձր նպատակներ են դնում, և քննադատությունը միշտ էլ կլինի: Թիմին հարկավոր է ժամանակ տալ, տղաները նորմալ տրամադրությամբ են վերադարձել ակումբ և պատրաստվում են հաջորդ խաղին»,-«Արմենպրես»-ի հաղորդմամբ, Մովսիսյանի խոսքերը մեջբերում է ՏԱՍՍ գործակալությունը:
Ռուսաստանի ազգային թիմը Եվրոպայի առաջնության ընտրական փուլի Ավստրայի հետ խաղում պարտվեց նվազագույն հաշվով: Իսկ Հայաստանի թիմը Պորտուգալիայի հետ խաղում արձանագրեց նույն ցուցանիշը:
Բաժանորդագրվեք մեր ալիքին Telegram-ում