Զինեդին Զիդանի որակազրկումը հանվել է
11:46, 22 Նոյեմբեր 2014
ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Մադրիդի «Ռեալ»-ի երկրորդ թիմի մարզիչ, ֆրանսիական ֆուտբոլի լեգենդ Զինեդին Զիդանը շուտով կրկին կանցնի մարզչական աշխատանքի: Իսպանական մարզական դատարանը չեղյալ է արել Զիդանի որակազրկումը, որը ֆրանսիացին ստացել էր մարզչական համապատասխան որակավորում չունենալու պատճառով: «Ռեալ»-ի փաստաթղթերի համաձայն` թիմի պաշտոնական մարզիչը Սերխիո Սանչեսն է, իսկ Զիդանը նրա օգնականն է: «Արմենպրես»-ի հաղորդմամբ, այս մասին տեղեկացնում են իսպանական պարբերականները:
Զիդանը երեք անգամ ՖԻՖԱ-ի կողմից ճանաչվել է աշխարհի լավագույն ֆուտբոլիստ: Ֆրանսիացին ազգային թիմի կազմում դարձել է աշխարհի և Եվրոպայի չեմպիոն: Զիդանը «Ռեալ»-ի կազմում դարձել է Իսպանիայի, Չեմպիոնների լիգայի չեմպիոն:
Բաժանորդագրվեք մեր ալիքին Telegram-ում