Պաղեստինի ղեկավարը կոչ է արել միջազգային քառյակին կանխել Իսրայելի հարձակումները
ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Միջազգային քառյակը՝ Եվրամիությունը, ՄԱԿ-ը, Ռուսաստանը և ԱՄՆ-ն անհապաղ պետք է միջամտեն մերձավորարևելյան հակամարտության մեջ՝ կանխելով իսրայելական հարձակումները պաղեստինցիների վրա: Ինչպես հաղորդում է «Արմենպրես»-ը՝ վկայակոչելով ՏԱՍՍ գործակալությունը, այսպիսի հայտարարությամբ հանդես է եկել Պաղեստինի ղեկավար Մահմուդ Աբասը: Նա Իսրայելին մեղադրել է Ալ Աքսա մզկիթի վրա հարձակվելու, արաբների տների ավերման, պաղեստինցիների սպանության և Արևմտյան ափին հողերի բռնագրավման մեջ:
«Պաղեստինը հնարավոր բոլոր քայլերը ձեռնարկում է խաղաղությունը վերականգնելու համար, սակայն Իսրայելի ագրեսիվ քայլերը կհանգեցնեն բռնությունների, քաոսի, արյունահեղության սաստկացմանը»,- հայտարարել է Մահմուդ Աբբասը:
Նա իրադարձությունների զարգացման բացասական զարգացման համար մեղադրել է Իսրայելի կառավարությանը:
Մահմուդ Աբասը կոչ է արել քառյակին օգնել Պաղեստինին` դառնալ միջազգային կազմակերպությունների անդամ:
Բաժանորդագրվեք մեր ալիքին Telegram-ում