Ադրբեջանը փորձում է սին արդարացումներ գտնել. ՀՀ ԱԳՆ մամուլի խոսնակ
18:41, 20 Նոյեմբեր 2014
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Արցախի Պաշտպանության բանակի ուսումնավարժական թռիչք իրականացնող ուղղաթիռի սադրիչ խոցման հետևանքով առերեսվելով միջազգային հանրության հասցեագրված արձագանքին՝ Ադրբեջանը փորձում է սին արդարացումներ գտնել, մտացածին մեղադրանքներով քողարկել իր փաստարկների բացակայությունը։ Այս մասին նշել է ՀՀ ԱԳՆ մամուլի խոսնակ Տիգրան Բալայանը` պատասխանելով tert.am լրատվական կայքի հարցին` թե «Ադրբեջանի ԱԳՆ-ն հանկարծակի սկսել է շահարկել Բաքվի կողմից քսան տարուց ավելի մոռացված ադրբեջանական կործանված ուղղաթիռի պատմությունը։ Ինչպե՞ս կմեկնաբանեք դա»։ Այս մասին «Արմենպրես»-ին տեղեկացրին ՀՀ արտգործնախարարության մամուլի, տեղեկատվության և հասարակայնության հետ կապի վարչությունից:
Բաժանորդագրվեք մեր ալիքին Telegram-ում