Արթուր Սարկիսովը Հայաստանի հավաքականը տեսնում է Եվրո-2016 ընտրական փուլի եռյակում
ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի անդամ Արթուր Սարկիսովի խոսել է ազգային թիմի ելույթների մասին Եվրո-2016 թվականի ընտրական փուլում: «Հաշվի առնելով հավաքականի ունեցած միավորները` թիմն անհաջող է մեկնարկել, սակայն դեռ շուտ է` հիմնական եզրակացություն անելու համար: Մենք վատ խաղ չենք ցուցադրել, և ակնհայտ է` հավաքականը ճիշտ ճանապարհի վրա է: Մեր խմբում հավաքականները հավասար են և կարծում եմ, որ գոնե եռյակ մտնելը շատ իրատեսական է»,-«Արմենպրես»-ի հաղորդմամբ, Սարկիսովի խոսքերը մեջբերում է Sportbox կայքը:
Ֆուտբոլի Հայաստանի ազգային թիմը Եվրո-2016-ի ընտրական փուլի առաջին խաղում պարտվեց Դանիայի հավաքականի, այնուհետ ոչ-ոքի խաղաց սերբերի հետ, իսկ այս տարին կավարտի նոյեմբերի 14-ին Պորտուգալիայի հետ խաղով:
Բաժանորդագրվեք մեր ալիքին Telegram-ում