ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Ոստիկանության Շենգավիթի բաժին զանգահարած քաղաքացին հայտնել էր, որ Գարեգին Նժդեհի փողոցում գտնվող դպրոցի հետնամասում, հոսանքի սնուցման կետի սյան տակ, զենք-զինամթերք է թողնում: Մեկնած օպերատիվ խումբը հայտնաբերել է պոլիէթիլենային տոպրակ, որի մեջ առկա էր 16 մմ տրամաչափի որսորդական 71 փամփուշտ, «Ֆ-1» տիպի նռնակ, նռնակի պայթուցիչ և որսորդական հրացան:

Հայտնաբերվածն ուղարկվել է փորձաքննության: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, կատարվում է հետաքննություն:

Իսկ ոստիկանության Արագածոտնի մարզային վարչության և Աշտարակի բաժնի ծառայողների բացատրական աշխատանքների շնորհիվ՝ 1952 թ. ծնված Ամար Օ.-ն կամավոր հանձնել է «Տոզ» տիպի փամփուշտ կրակող ինքնաշեն սարք, 5.45 մմ տրամաչափի 96 և «ԴՇԿ-74» տիպի գնդացրի 3 փամփուշտ: Ներկայացվածն ուղարկվել է փորձաքննության: