Սահմանամերձ համայնքների երեխաները կծանոթանան մայրաքաղաքի մշակութային կենտրոններին
13:22, 1 Նոյեմբեր 2014
ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: Սահմանամերձ համայնքների երեխաները գալիք տարի հնարավորություն կունենան այցելելու Երևան և ծանոթանալու մայրաքաղաքի մշակութային կենտրոններին: Այս մասին «Արմենպրես»-ին տեեկացրեց մշակույթի նախարար Հասմիկ Պողոսյանը: «Հաջորդ տարվա բյուդջեով նախատեսված այս ծրագիրը հնարավորություն կտա երեխաներին ավելի ակտիվ կապի մեջ լինել մայրաքաղաքի հետ: Երեխաները կայցելեն Ազգային պատկերասրահ, Պատմության թանգարան, որևէ թատերական ներկայացման և օպերայի թատրոն»,- ասաց Հասմիկ Պողոսյանը:
Մշակույթի նախարարի խոսքերով` հաջորդ տարի մեկնարկող ծրագիրը հնարավորություն կտա ստեղծելու երեխաների հետադարձ կապը մայրաքաղաքի հետ, և երեխաներից շատերը հնարավորություն ունենան իրենց կյանքում առաջին անգամ տեսնել մայրաքաղաքը:
Բաժանորդագրվեք մեր ալիքին Telegram-ում