Մկոյանը վնասվածքից ապաքինվելուց հետո անցկացրեց առաջին խաղը
19:21, 31 Հոկտեմբեր 2014
ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ազգային հավաքականի պաշտպան Հրայր Մկոյանը վնասվածքից ապաքինվելուց հետո Իրանի առաջնությունում անցկացրեց իր առաջին հանդիպումը: Մկոյանի «Էսթեղլալ»-ը ոչ ոքի` 1:1 հաշվով ավարտեց Ղոմի «Սաբա»-ի հետ մրցավեճը: Ինչպես հաղորդում է «Արմենպրես»-ը` Մկոյանը մասնակցել է ողջ հանդիպմանը` սկզբից մինչև վերջ: «Էսթեղլալ»-ի հայազգի կիսապաշտպան և Իրանի հավաքականի անդամ Անդրանիկ Թեյմուրյանը խաղադաշտ է դուրս եկել երկրորդ կեսում:
«Էսթեղլալ»-ը 23 միավորով զբաղեցնում է մրցաշարային աղյուսակի երկրորդ տեղը:
Մկոյանը վնասվածքի պատճառով բաց էր թողել վեց խաղ:
Բաժանորդագրվեք մեր ալիքին Telegram-ում