«Բավարիա»-«Բորուսիա» հանդիպումը կցուցադրվի աշխարհի 208 երկրներում
17:54, 31 Հոկտեմբեր 2014
ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Բունդեսլիգայի հերթական տուրի կենտրոնական` «Բավարիա»-«Բորուսիա» հանդիպումը կցուցադրվի աշխարհի 208 երկրում:
Գերմանիայի գործող չեմպիոնի և փոխչեմպիոնի միջև սպասվելիք դիմակայությունը մեծ արձագանք է ստացել ամբողջ աշխարհում: Մյունխենի «Բավարիա»-ն նոյեմբերի 1-ին քաղաքի կենտրոնական մարզադաշտերից մեկում` «Ալիանս Արենա»-ում կհյուրընկալի Դորտմունդի «Բորուսիա»-ին: «Արմենպրես»-ի հաղորդմամբ, այս մասին տեղեկացնում է գերմականա Bild պարբերականը:
Բունդեսլիգայի 9 տուրերից հետո մյունխենցիները գլխավորում են մրցաշարային աղյուսակը, իսկ «Բորուսիա»-ն 15-րդ տեղում է:
Բաժանորդագրվեք մեր ալիքին Telegram-ում