Ֆիլիպ Լամը «Բորուսիա»-ին վտանգավոր մրցակից է համարում
10:52, 31 Հոկտեմբեր 2014
ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Մյունխենի «Բավարիա»-ի ավագ Ֆիլիպ Լամի կարծիքով, «Բորուսիա»-ն միշտ էլ վտանգավոր մրցակից է եղել «Բավարիա»-ի համար:
«Բունդեսլիգայի վերջին տարիների պայքարում այս հանդիպումները նմանվում են տիտղոսի համար մղվող պայքարի: «Բորուսիա»-ն հաջող է հանդես գալիս Չեմպիոնների լիգայում: 3 խաղում դորտմունդցիները վաստակել են 9 միավոր: «Բորուսիա»-ն իսկապես վտանգավոր է մեզ համար»,-«Արմենպրես»-ի հաղորդմամբ, նման կարծիք է հայնտել Լամը:
Բունդեսլիգայի տուրի կենտրոնական հանդիպումը կկայանա Մյունխենում: Տեղի «Բավարիա»-ն կհյուրընկալի «Բորուսիա»-ին: 9 տուրից հետո մյունխենցիները գլխավորում են մրցաշարային աղյուսակը, իսկ «Բորուսիա»-ն 15-րդ տեղում է:
Բաժանորդագրվեք մեր ալիքին Telegram-ում