Յուրգեն Կլոպը համոզված է` հնարավոր է հաղթել «Բավարիա»-ին
ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Դորտմունդի «Բորուսիա»-ի գլխավոր մարզիչ Յուրգեն Կլոպի կարծիքով, աշխատանքի միջոցով «Բորուսիա»-ն պետք է ստիպի, որ հաջողությունը «վերադառնա իր մոտ»:
«Մենք փորձում ենք դրականը գտնել մեր ունեցած փոքր հաջողության մեջ: Պետք է աշխատանքի միջոցով ստիպենք հաջողությանը վերադառնալ մեզ մոտ: «Բավարիա»-ն անսովոր կազմ ունի: Սակայն յուրաքանչյուր մրցակցի կարելի է հաղթել: Մենք խաղի համար ուրիշ բան կնախապատրաստենք»,-«Արմենպրես»-ի հաղորդմամբ, Կլոպի խոսքը մեջբերում է «Բորուսիա»-ի պաշտոնական կայքը:
Գերմանացի մասնագետը խոսել է նաև Ռոբերտ Լևանդովսկու մասին` մասնավորապես փաստելով. «Ռոբերտի դեմ խաղը մարտահրավեր է: Եթե կարողանանք կասեցնել դեպի Լևանդովսկին գնացող գնդակները, ապա օգուտ կստանանք»:
Բունդեսլիգայի այս տուրում «Բորուսիա»-ն արտագնա խաղում կմրցի «Բավարիա»-ի հետ: Հանդիպումը կկայանա Մյունխենի «Ալյանս Արենա»-ում նոյեմբերի 1-ին:
Բաժանորդագրվեք մեր ալիքին Telegram-ում