Սանկտ Պետերբուրգի Ազգությունների տանը բացվել է «Աշխարհի հայ մամուլը» ցուցահանդեսը
14:08, 30 Հոկտեմբեր 2014
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Սանկտ Պետերբուրգում ՀՀ գլխավոր հյուպատոս Հրայր Կարապետյանն հոկտեմբերի 28-ին այցելել է Սանկտ Պետերբուրգի Ազգությունների տանը բացված «Աշխարհի հայ մամուլը» ցուցահանդեսի տաղավար, որտեղ ներկայացված է հարյուր անուն հրատարակություն՝ հավաքված տասնչորս երկրներից և հրատարակված վեց լեզուներով: «Պետերբուրգի հայեր» տարածաշրջանային հասարակական կազմակերպության ղեկավար Ալեքսանդր Նազարովն էքսկուրսիա է անցկացրել և պատմել յուրաքանչյուր թերթի ու ամսագրի մասին: «Արմենպրես»-ի հաղորդմամբ` ցուցահանդեսը կազմակերպել է «Պետերբուրգի հայեր» տարածաշրջանային հասարակական կազմակերպությունը՝ Սանկտ Պետերբուրգի Ազգությունների տան աջակցությամբ:
Բաժանորդագրվեք մեր ալիքին Telegram-ում