Մարկոսը 2 տարվա պայմանագիր է կնքել «Ակտոբե»-ի հետ
20:03, 29 Հոկտեմբեր 2014
ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի հավաքականի կիսապաշտպան Մարկոս Պիզելին 2 տարով երկարաձգել է ղազախական «Ակտոբե»-ի հետ գործող պայմանագիրը: «Արմենպրես»-ի հաղորդմամբ` այդ մասին տեղեկացնում է «Ակտոբե»-ի պաշտոնական կայքը: Ղազախական ակումբը ռուսական «Կրասնոդար»-ից գնել է Մարկոսի տրանսֆերային իրավունքը: Մինչ այս ՀՀ ընտրանու կիսապաշտպանն «Ակտոբե»-ում հանդես էր գալիս վարձավճարով:
Ավելի վաղ հայտնի էր դարձել նաև, որ «Ակտոբե»-ում ելույթ ունեցող Հայաստանի հավաքականի պաշտպան Ռոբերտ Արզումանյանը 2,5 տարվա պայմանագիր է ստորագրել Պերմի «Ամկար»-ի հետ:
Բաժանորդագրվեք մեր ալիքին Telegram-ում