«Բորուսիա»-ն շարունակում է անկումային հանդիպումները Բունդեսլիգայում
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Ֆուտբոլի Գերմանիայի առաջնության 9-րդ տուրում հյուրընկալվելով Հանովեր քաղաքի համանուն թիմին «Բորուսիա»-ն կրկին պարտվեց:
Առաջին խաղակեսն ընթացավ հավասար և զուսպ պայքարում, որը, սակայն, չշարունակվեց երկրորդ կեսում: Հայաստանի ֆուտբոլի ազգային թիմի անդամ Հենրիխ Մխիթարյանը մեկնարկային կազմում էր և աչքի ընկվում ակտիվ գործողություններով: Հանդիպման 51-րդ րոպեին Մխիթարյանը բախում ունեցավ «Հանովեր»-ի թուրք ֆուտբոլիստ Չեյհուն Գյուլսելամի հետ և Մխիթարյանն արժանացավ դեղին քարտի: Երկրորդ կեսի 61-րդ րոպեին տան տերերը առաջ անցան հաշվի մեջ: Դորտմունդցիները շարունակում են անկումային ելույթները և կրեցին իրենց 3-րդ անընդմեջ պարտությունը Բունդեսլիգայում:
«Բորուսիա»-ն այս տուրից հետո մրցաշարային աղյուսակում արդեն 15-րդն է:
Բաժանորդագրվեք մեր ալիքին Telegram-ում