Եռյակի հոկտեմբերի 24-ի հանրահավաքին մասնակցել է 14 հազար 800 մարդ (լրացված)
11:45, 25 Հոկտեմբեր 2014
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Ազատության հրապարակում ոչ իշխանական եռյակի` հոկտեմբերի 24-ի հանրահավաքին մասնակցել է 14 հազար 800 մարդ: «Արմենպրես»-ի հաղորդմամբ` այս մասին հայտնում են ՀՀ ոստիկանությունից:
Երեկ երկոյան տեղի ունեցավ ոչ իշխանական եռյակի հերթական հանրահավաքը: ԲՀԿ, ՀԱԿ-ի և «Ժառանգության» առաջնորդներ Գագիկ Ծառուկյանը, Լևոն Տեր-Պետրոսյանը եւ Րաֆֆի Հովհաննիսյանը, նախօրոք հայտարարվածի համաձայն, հանդես եկան ելույթներով:
Եռյակի նախորդ հանրահավաքին` հոկտեմբերի 10-ին, ՀՀ ոստիկանության տվյալներով, մասնակցել էր 16 հազար մարդ:
Բաժանորդագրվեք մեր ալիքին Telegram-ում