Բրիտանիայում սկսել են արտադրել ուղտի կաթով պաղպաղակ
22:58, 24 Հոկտեմբեր 2014
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Բրիտանական Simply Ice Cream ընկերությունը սկսել է արտադրել արտասովոր պաղպաղակ, որը պատրաստված է ուղտի կաթով: Ինչպես հաղորդում է «Արմենպրես»-ը՝ վկայակոչելով միջազգային լրատվամիջոցները, նոր պաղպաղակի ներկայացումը տեղի է ունեցել ուղտերի` Էշֆորդ քաղաքում տեղի ունեցած մրցավազքի ժամանակ: Աղանդերի մեկ բաժնի գինը 5,6 դոլար է, իսկ ուղտի կաթի մեկ լիտրի արժեքը կազմում է 16 դոլար: Չնայած պաղպաղակի արժեքին, միջոցառման ժամանակ վաճառվել է 120 աղանդեր: Այժմ պաղպաղակը կարտադրվի վանիլային, մանգոյի և ելակի համերով:
Արտադրողների խոսքով` նոր աղանդերը բավականին օգտակար է, քիչ յուղային, իսկ շաքարավազը փոխարինվել է ագավայի օշարակով:
Բաժանորդագրվեք մեր ալիքին Telegram-ում