Այրված մեքենայում դիակ է հայտնաբերվել
20:33, 24 Հոկտեմբեր 2014
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարություն հոկտեմբերի 24-ին, ժամը 12.57-ին ահազանգ է ստացվել, որ Ջրվեժի կամրջից դեպի գաջի գործարան ավտոճանապարհի 3-րդ կմ-ում այրվում է ավտոմեքենա: Ինչպես «Արմենպրես»-ին տեղեկացրին ՀՀ ԱԻՆ-ից, դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում հրդեհ է բռնկվել «Միցուբիշի Իո» մակնիշի 19 ՍՍ 084 պետհամարանիշի (հաշվառված է Գ. Մ.-ի անունով, ծնվ. 1959թ.) ավտոմեքենայում:
Հրդեհը մեկուսացվել է ժամը 13.19-ին, մարվել՝ 13.23-ին: Ավտոմեքենան այրվել է ամբողջությամբ: Հրշեջ-փրկարարներն ավտոմեքենայում հայտնաբերել են անձը չպարզված քաղաքացու այրված դի:
Բաժանորդագրվեք մեր ալիքին Telegram-ում