Ավազակության մեղադրանքով հետախուզվողը հայտնաբերվել է 6 տարի անց
14:38, 24 Հոկտեմբեր 2014
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ ոստիկանության քրեական հետախուզության գլխավոր վարչության և ՌԴ իրավապահների ձեռնարկած համատեղ միջոցառումների շնորհիվ, այս տարվա ապրիլի 29-ին ՌԴ Սամարայի մարզում հայտնաբերվել և ձերբակալվել, իսկ հոկտեմբերի 23-ին Մոսկվա-Երևան չվերթի ինքնաթիռով Հայաստան է տեղափոխվել 1988թ. ծնված Էդգար Մ.-ն: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, Էդգար Մ.-ն 2008թ. հուլիսի 30-ից Գյումրիի ոստիկանության կողմից հետախուզվում էր ավազակության մեղադրանքով:
Բաժանորդագրվեք մեր ալիքին Telegram-ում