Բառոզուն եւ վան Ռոմպյոյը հրաժեշտի ընթրիք են կազմակերպել գինիով ու գարեջրով
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Եվրահանձնաժողովի ղեկավար Ժոզե Մանուել Բառոզուն եւ Եվրախորհրդի նախագահ Հերման վան Ռոմպյոյը, որոնք թողնում են իրենց պաշտոնները, հրաժեշտի առիթով Եվրամիության գագաթնաժողովի մասնակիցներին հյուրասիրել են բելգիական գարեջրով եւ պորտուգալական գինով: Այդ մասին, ինչպես տեղեկացնում է «Արմենպրես»-ը, Եվրախորհրդի նիստից հետո պատմել է Բառոզուն ինքը:
Նրա խոսքով՝ ընթրիքն սկսվել է գարեջրով: «Նախագահ Ռյոմպյոյն ասաց, որ բելգիականը գարեջուրը լավագույնն է աշխարհում: Դրանից հետո մատուցվեց պորտուգալական գինի: Կարծում եմ, որ դա մեծագույն զուգորդում է»,- նշել է Եվրահանձնաժողովի ղեկավարը: Վան Ռոմպյոյը հավաստել է նրա ասածը:
Բառոզուն եւ վան Ռոմպյոյը պաշտոնաթող կլինեն հոկտեմբերի վերջին: Եվրահանձնաժողովի նոր ղեկավար կդառնա Լյուքսեմբուրգի նախկին վարչապետ Ժան Կլոդ Յունկերը, իսկ Եվրախորհրդի նախագահ՝ Լեհաստանի նախկին վարչապետ Դոնալդ Տուսկը, հաղորդել է ՌԻԱ Նովոստին:
Բաժանորդագրվեք մեր ալիքին Telegram-ում