Եվրո-2016-ի բոլոր հանդիպումները սերբերը կանցկացնեն առանց երկրպագուների
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: ՈՒԵՖԱ-ի կարգապահական կոմիտեն հրապարակել է Սերբիա-Ալբանիա խաղի ժամանակ անկարգությունների մասին իր որոշումը:
Եվրոպայի առաջնության ընտրական փուլի Սերբիա-Ալբանիա հանդիպումը կվերախաղարկի, այն էլ` չեզոք դաշտում: Եվրո-2016 ընտրական փուլի բոլոր տնային խաղերը սերբերը կանցկացնեն առանց հանդիսականների: «Արմենպրես»-ի հաղորդմամբ, այս մասին տեղեկացնում է Inserbia կայքը:
Հոկտեմբերի 14-ին Բելգրադում կայացած խաղի առաջին կեսի վերջնամասում խաղադաշտ է մտել անօդաչու սարք, որի վրա ամրացված է եղել Ալբանիայի դրոշը: Սերբիայի հավաքականի ֆուտբոլիստ Ստեֆան Միտրովիչը մոտեցել է սարքին, պոկել դրոշը: Նրան է միացել նաև սերբ մեկ այլ ֆուտբոլիստ`Նեմանյա Գուդելը: Ալբանացի ֆուտբոլիստներից Էնդի Լիլային և Տաուլանտ Ջաքային դուր չի եկել սերբ ֆուտբոլիստների վերաբերմունքը, խաղադաշտում ծեծկռտուք է սկսվել: Հանդիպման գլխավոր մրցավարը որոշում է կայացրել ընդհատել խաղը:
Բաժանորդագրվեք մեր ալիքին Telegram-ում