Ալվինա Գյուլումյանն ԱԺ-ում տված երդմամբ ստանձնեց ՍԴ անդամի պաշտոնը
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության Նախագահ Սերժ Սարգսյանի հրամանագրով Ալվինա Գյուլումյանը հոկտեմբերի 23-ին ստանձնում է ՀՀ Սահմանադրական դատարանի անդամի պաշտոնը: Այս մասին Ազգային ժողովի նիստի մեկնարկին հայտարարեց ԱԺ նախագահ Գալուստ Սահակյանը: «Հայաստանի Հանրապետության Սահմանադրական դատարանի մասին օրենքի 4-րդ հոդվածի համաձայն՝ Սահմանադրական դատարանի անդամը պաշտոնը ստանձնում է Ազգային ժողովում տված երդմամբ»,- «Արմենպրես»-ի հաղորդմամբ՝ նշեց Սահակյանը՝ ամբիոնի մոտ հրավիրելով ՍԴ նորանշանակ անդամին:
Ալվինա Գյուլումյանը Ազգային ժողովի ԱԺ կենտրոնական ամբիոնից տվեց ժողովրդի առջև իր երդումը. «Ստանձնելով Սահմանադրական դատարանի անդամի պաշտոնը՝ Հայաստանի Հանրապետության ժողովրդի առջև երդվում եմ՝ ապահովել Սահմանադրության գերակայությունը, լինել անաչառ, հավատարիմ մնալ Սահմանադրական դատարանի անդամի կոչմանը»:
Բաժանորդագրվեք մեր ալիքին Telegram-ում