«Բորուսիա»-ն Թուրքիայում ջախջախեց «Գալաթասարայ»-ին. ՉԼ
ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Ֆուտբոլի Չեմպիոնների լիգայի խմբային փուլի երրորդ տուրում Դորտմունդի «Բորուսիա»-ն արտագնա խաղում հաղթեց թուրքական «Գալաթասարայ»-ին: «Գալաթասարայ»-«Բորուսիա» 0-4:
Դորտմունդցիներից երկար ժամանակ չպահանջվեց հաշվի մեջ առաջ անցնելու համար: Մխիթարյան-Ռոյս-Օբամեյանգ եռաքայլ խաղարկումը եզրափակվեց գոլով: Դորտմունդցիները շարունակեցին տիրել խաղային իրավիճակին և հադիպման 18-րդ րոպեին խփեցին նաև երկրորդ գնդակը: Կրկին Մխիթարյան-Պիսշչեկ-Օբամեյանգ կոմբինացիան եզրափակվեց դարպասի գրավմամբ: Վնասվածքից նոր ապաքինված Մարկո Ռոյսը հաշիվը եռապատկեց հանդիպման 41-րդ րոպեին:
Երկրորդ կեսում «Բորուսիա»-ի առավելությունը նորից ակնհայտ էր, «մեղուները» կարող էին մի քանի անգամ ևս ստիպել մրցակցին գնդակը հանել սեփական դարպասից: Խաղակեսի վերջնամասում փոխարիման դուրս եկած Ռամոսը հաշիվը դարձրեց 0-4:
Հայաստանի ազգային թիմի անդամ Հենրիխ Մխիթարյանը մեկնարկային կազմում էր և մեծ աշխատանք կատարեց խաղադաշտում:
Հաջորդ հանդիպումը ՉԼ շրջանակում Յուրգեն Կլոպի սաները կանցկացնեն նոյեմբերի 4-ին Դորտմունդում` հյուրընկալելով «Գալաթասարայ»-ին: Այս հաղթանակից հետո «Բորուսիա»-ն բացարձակ արդյունքով գլխավորում է D խմբի մրցաշարային աղյուսակը:
Schön, euch wieder jubeln zu sehen. // And so we celebrated. #galbvb 0-2 pic.twitter.com/wGB0SCPhak
— Borussia Dortmund (@BVB) October 22, 2014
— Borussia Dortmund (@BVB) October 22, 2014Happy, happy, joy, joy for the men in yellow and black. pic.twitter.com/Z1cNJglWJZ— DW - Sports (@dw_sports) October 22, 2014
Բաժանորդագրվեք մեր ալիքին Telegram-ում