Երվանդ Զախարյանը Սոչիում կմասնակցի ԱՊՀ էլեկտրաէներգետիկական խորհրդի նիստին
ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ էներգետիկայի և բնական պաշարների նախարար Երվանդ Զախարյանը հոկտեմբերի 23-25-ը Սոչիում (Ռուսաստանի Դաշնություն) կմասնակցի ԱՊՀ էլեկտրաէներգետիկական խորհրդի hերթական՝ 46-րդ նիստին: Ինչպես «Արմենպրես»-ին տեղեկացրին ՀՀ էներգետիկայի և բնական պաշարների նախարարության տեղեկատվության և հասարակայնության հետ կապերի բաժնից, ԱՊՀ մասնակից երկրների էներգետիկները Սոչիում կքննարկեն էլեկտրաէներգետիկական խորհրդի և միջազգային էներգետիկ կազմակերպությունների միջև համագործակցության հարցերը: Կքննարկվեն նաև ԱՊՀ մասնակից երկրների էներգահամակարգերի աշխատանքներին վերաբերող խնդիրները, ինչպես նաև էներգահամակարգերի տեխնիկական վերազինումների, վթարների, արտակարգ իրավիճակների պայմաններում աշխատելու հարցերը:
Հայաստանի Հանրապետությունն ԱՊՀ էլեկտրաէներգետիկական խորհրդին անդամակցում է 1992 թվականից:
Բաժանորդագրվեք մեր ալիքին Telegram-ում