Թբիլիսի է ժամանել Եվրոպայում ՆԱՏՕ-ի զորքերի հրամանատարը
10:04, 22 Հոկտեմբեր 2014
ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Թբիլիսի է ժամանել Եվրոպայում ՆԱՏՕ-ի զորքերի հրամանատար Ֆիլիպ Բրիդլավը, տեղեկացնում է «Արմենպրես»-ը՝ հղում անելով Վրաստանի պաշտպանության նախարարությանը:
Հոկտեմբերի 22-ին պլանավորված է Բրիդլավի եւ Վրաստանի պաշտպանության նախարար Իրակլի Ալասանիայի հանդիպումը: Բացի այդ, հանդիպում է ծրագրված հանրապետության վարչապետ Իրակլի Ղարիբաշվիլիի հետ: Երկօրյա այցի ավարտին գեներալը հանդիպում կունենա Թբիլիսիի պետհամալսարանի ուսանողների հետ:
Ինչպես նշում Է «Նովոստի Գրուզիա»-ն, Բրիդլավի այցը տեղի է ունենում նախօրյակին Բրյուսելում կայացած ՆԱՏՕ-Վրաստան հանձնաժողովի նիստից անմիջապես հետո:
Բաժանորդագրվեք մեր ալիքին Telegram-ում