Լիբերիայում Էբոլայով հիվանդների ընտանիքները չեն կարողանում գտնել իրենց հարազատներին
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Լիբերիայի ավելի ու ավելի շատ բնակիչներ են հուսահատ փորձեր անում թեկուզ որեւէ տեղեկություն ստանալ իրենց կորած ազգականների մասին, որոնք վարակված են Էբոլա վիրուսով: Այդ մասին, ինչպես տեղեկացնում է «Արմենպրես»-ը, գրել Է «Վաշտինգտոն պոստ»-ը:
Էբոլա վիրուսն այնքան արագորեն է տարածվել Լիբերիայում, որ հիվանդացածներից շատերն անցել են լիբերիական բժշկության ողջ «դժոխքի» միջով:
Հիվանդներից շատերին ընդունել են առանց որեւէ փաստաթղթի, ոմանց՝ առանց ազգականների համաձայնության կամ հիվանդանոցները նրանց տեղափոխել են այլ կլինիկա: Հարյուրավոր մարդիկ դիակիզվել են, մինչդեռ նրանց ընտանիքները չեն Էլ իմացել իրենց հարազատների մահվան մասին:
Ինչպես գրում Է հրատարակությունը, Լիբերիայի կլինիկաներն այնքան են ծանրաբեռնված, որ նրանք պարզապես ի վիճակի չեն հետեւելու ողջերին ու մեռածներին: Այժմ ԱՄՆ-ի կառավարությունը եւ արտասահմանյան մյուս պետություններն աշխատում են կատարելագործել Լիբերիայի բժշկական համակարգը: Առանձին կլինիկաներ արդեն սկսել են մահացածների ավելի ստույգ ցուցակներ փակցնել մուտքի մոտ, որտեղ հավաքվում են ազգականների բազմությունները, որոնք ցանկանում են ճշմարտությունն իմանալ հարազատների մասին:
Այդուամենայնիվ, շատերն այդպես Էլորեւիցե տեղեկատվություն չեն ստանում իրենց մերձավորների գտնվելու վայրի մասին, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում