Աբրահամը պատրաստ է մենամարտել Շտիգլից-Շտուրմ զույգի հաղթողի հետ
ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: Բռնցքամարտի երկրորդ միջին քաշային կարգի WBO վարկածով աշխարհի չեմպիոն Արթուր Աբրահամը պատրաստ է մենամարտել Շտիգլից-Շտուրմ զույգի հաղթողի հետ: «Կմենամարտեմ Շտիգլից-Շտուրմ մենամարտի թե հաղթողի և թե պարտվողի հետ: Ինձ առաջարկ եղել է, ես համաձայնել եմ»,-ասաց աշխարհի չեմպիոնը:
Խոսելով ամերիկացի մարզիկների մասին, Աբրահամը շեշտեց, որ դժվար է ժամային գոտիների տարբերությունները: «Եթե նրանք ուզում են մենամարտեն, թող իրենք էլ գան»,-ասաց նա:
Բռնցքամարտի երկրորդ միջին քաշային կարգի WBO վարկածով աշխարհի չեմպիոն Արթուր Աբրահամը բրիտանացի Փոլ Սմիթի հետ մենամարտում պաշտպանեց իր չեմպիոնական գոտին: Առաջին երկու ռաունդներում Աբրահամ շատ զգույշ էր և զննող, սակայն հետզհետե ավելի էր ակտիվանում և տիրում նախաձեռնությանը: Սմիթը, սակայն, բավականին համառ էր և դիմացկուն: Մենամարտը տևեց 12 ռաունդ և Աբրահամ հաղթեց միավորներով` 117-111, 117-111, 119-109 հաշվով:
Բաժանորդագրվեք մեր ալիքին Telegram-ում