1000х90.jpg (78 KB)

Երևանում՝ 11:07,   29 Մարտ 2024

Դաշնակահար Ալեքսեյ Լյուբիմովը հանդես կգա մենահամերգով

Դաշնակահար Ալեքսեյ Լյուբիմովը հանդես կգա մենահամերգով

ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: «Երևանյան հեռանկարներ» 15-րդ միջազգային երաժշտական փառատոնը ներկայացնում է աշխարհահռչակ ռուս դաշնակահար Ալեքսեյ Լյուբիմովի մենահամերգը Հայաստանում: Ինչպես «Արմենպրես»-ին տեղեկացրին փառատոնի գրասենյակից, դաշնակահարի կատարմամբ կհնչեն Մոցարտի, Շուբերտի, Կոմիտասի և Դեբյուսիի ստեղծագործությունները: Մենահամերգը տեղի կունենա հոկտեմբերի 8-ին «Արամ Խաչատրյան» համերգասրահում:

«Երևանյան հեռանկարներ» փառատոնն անցկացվում է Հայաստանի  Հանրապետության Նախագահ Սերժ Սարգսյանի բարձր հովանու ներքո, Մշակույթի նախարարության աջակցությամբ:

Մոսկվայում ծնված ականավոր ռուս դաշնակահար Ալեքսեյ Լյուբիմովին համարում են մեր իրականության ամենակրթված և բազմակողմանի, ամենագունեղ և ինքնատիպ երաժիշտ-կատարողներից մեկը: Ա. Լյուբիմովի երաժշտացանկը ահռելի է և ընդգրկում է մի քանի դարաշրջան: Լյուբիմովը մի շարքի հեղինակավոր միջազգային մրցույթների դափնեկիր է և արժանացել միջազգային լայն ճանաչման: Նա համերգներով հանդես է եկել Եվրոպայում, Հյուսիսային Ամերիկայում, Ճապոնիայում, ելույթներ ունեցել անվանի նվագախմբերի հետ։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]