ԵԽԽՎ-ում մի խումբ ադրբեջանցիներ բողոքի ցույց են իրականացրել իրենց արտգործնախարարի դեմ
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Մի խումբ ադրբեջանցի քաղաքական էմիգրանտներ Ադրբեջանի արտաքին գործերի նախարար Էլմար Մամեդյարովի ելույթի ժամանակ բողոքի ցույց են իրականացրել Եվրախորհրդի խորհրդարանական վեհաժողովի շենքում: Ինչպես հաղորդում է «Արմենպրես»-ը, այս մասին տեղեկացնում է ադրբեջանական Haqqin.az-ը:
Քաղբանտարկյալների նկարները պատկերող կարմիր շապիկներ հագած ցուցարարները պահանջել են Ադրբեջանի իշխանություններից ազատ արձակել իրենց քաղաքական հայացքների համար ձերբակալված ադրբեջանցի մտավորականներին և ակտիվիստներին:
ԵԽԽՎ ամբիոնից հոկտեմբերի 2-ին ունեցած ելույթի ժամանակ Ադրբեջանի արտգործնախարար Էլմար Մամեդյարովը հայտարարել էր, թե երկրում չկան քաղբանտարկյալներ, իսկ բոլոր նրանք, ովքեր այսօր ճաղերի հետևում են, ձերբակալված են իսկական հանցանքներ գործելու համար:
Բաժանորդագրվեք մեր ալիքին Telegram-ում