Մամեդյարովը ելույթ կունենա ԵԽԽՎ-ում
17:40, 1 Հոկտեմբեր 2014
ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանի արտաքին գործերի նախարար Էլմար Մամեդյարովը մեկնել է Ստրասբուրգ` մասնակցելու Եվրախորհրդի խորհրդարանական վեհաժողովի հերթական նստաշրջանի աշխատանքներին: Ինչպես հաղորդում է «Արմենպրես»-ը, այս մասին տեղեկացնում է ադրբեջանական Trend գործակալություն:
Իր այցի շրջանակներում Ադրբեջանի արտգործնախարարն անցկացնելու է երկկողմ հանդիպումներ, ինչպես նաև ելույթ է ունենալու ԵԽԽՎ նախարարների խորհրդում` որպես այս տարի խորհուրդը նախագահող պետության ներկայացուցիչ: Մամեդյարովի ելույթը նախատեսվում է հոկտեմբերի 2-ին:
Բաժանորդագրվեք մեր ալիքին Telegram-ում