Կատալոնիայում կասեցված Է հանրաքվեի նախապատրաստումը
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Կատալոնիայի կառավարությունը որոշում Է ընդունել ենթարկվել Իսպանիայի Սահմանադրական դատարանի որոշմանը եւ կասեցնել անկախության հանրաքվեի նախապատրաստման արշավը, տեղեկացնում Է «Արմենպրես»-ը՝ հղում անելով EFE գործակալությանը:
Իսպանիայի Սահմանադրական դատարանը սեպտեմբերի 29-ին քննության Է առել հիմնական օրենքին Կատալոնիայում նոյեմբերի 9-ին հանրաքվե անցկացնելու մասին հրամանագրի եւ հարցումների մասին օրենքի անհամապատասխանության վերաբերյալ երկրի կառավարության հայցերը, ինչն ինքնաբերաբար նշանակում Է դրանց գործողության կասեցում: Սահմանադրության համաձայն՝ օրենքների գործողությունը սառեցված Է հինգ ամսով: Բացի դրանից, կառավարությունը պահանջել Է կասեցնել «այդ հարցման նախապատրաստման բոլոր գործողությունները»:
Մինչդեռ Կատալոնիայի կառավարության մամուլի քարտուղար Ֆրանսեսկ Հոմսը, ամփոփելով ինքնավարության կառավարության նիստի արդյունքները, սեպտեմբերի 30-ին հայտարարել Է, որ «խաղն ավարտված չԷ»: «Ոչինչ չի ավարտվել: Սա ընթացակարգային իրադրություն Է, որը մենք չենք կարող անտեսել, բայց մեր մտադրությունն Է՝ շարունակել մեր ստանձնած պարտավորությունների եւ օրենքի շրջանակներում»,-ասել Է նա: Մոտ ժամանակներս ինքնավարության ներկայացուցիչները Սահմանադրական դատարան կուղարկեն իրենց դիրքորոշոմւը պաշտպանող փաստարկները:
Սեպտեմբերի 30-ին Կատալոնիայի քաղաքներում բողոքի զանգվածային ակցիաներ կանցկացվեն Իսպանիայի կառավարության եւ ՍԴ-ի որոշման դեմ: Դրանց մասնակիցները կպահանջեն՝ թույլատրել հարցման անցկացումը նոյեմբերի 9-ին: Ամենաբազմամարդ հանրահավաքը կկայանա Բարսելոնայում:
Իսպանիայի Կատալոնիայի ինքնավար մարզի ղեկավար Արթուր Մասը սեպտեմբերի 27-ին հրամանագիր Է ստորագրել նոյեմբերի 9-ին Իսպանիայից անկախության հանրաքվե անցկացնելու մասին: Կատալոնիայի խորհրդարանը սեպտեմբերի 19-ին օրենք է ընդունել հանրաքվեների մասին, որը, տեղի իշխանությունների կարծիքով, թույլ կտա համաժողովրդական հարցումներ անցկացնել առանց Մադրիդի պաշտոնական համաձայնության, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում