Տարածաշրջանում Հայաստանի մամուլն ամենաազատն է
15:55, 30 Սեպտեմբեր 2014
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: «Լրագրողներ առանց սահմանների» (Reporters Without Borders) կազմակերպությունը հրապարակել է մամուլի ազատության 2014 թվականի ինդեքսը: Ինչպես հաղորդում է «Արմենպրես»-ը, զեկույցի տվյալներով Հայաստանն առաջատարն է տարածաշրջանում մամուլի ազատության հարցում:
Ըստ ինդեքսի` Հայաստանը զբաղեցրել է 78–րդ հորիզոնականը` նահանջելով 4 հորիզոնականով, մինչդեռ Վրաստանը 84–րդն է, իսկ Ադրբեջանը` 160–րդը: Թուրքիան զբաղեցրել է 154–րդ հորիզոնականը, իսկ Ռուսաստանը 148–րդն է:
Ամենաազատ մամուլն ունեցող պետությունների տասնյակի մեջ մտնում են Ֆինլանդիան, Նիդեռլանդները, Նորվեգիան,Լյուքսեմբուրգը, Անդորան, Լիխտենշտեյնը, Դանիան, Իսլանդիան, Նոր Զելանդիան և Շվեդիան:
Բաժանորդագրվեք մեր ալիքին Telegram-ում