Ջոկովիչը և Նադալը Պեկինի առաջնության հաջորդ փուլում են
15:37, 30 Սեպտեմբեր 2014
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Թենիսի աշխարհի առաջին ռակետ Նովակ Ջոկովիչը հաղթանակով է մեկնարկել ATP Պեկինի բաց առաջնությունում:
Ջոկովիչն առաջին շրջանում 6:2, 6:1 հաշվով հետագա պայքարից դուրս թողեց Գիլյերմո Գարսիա Լոպեսին: Աշխարհի երկրորդ ռակետ Ռաֆայել Նադալը 6:4, 6:0 հաշվով առաջին շրջանում հաղթեց Ռիշար Գասկեին: Անակնկալ պարտություն կրեց Ֆերնանդո Վերդասկոն, ով 1:6, 6:3, 3:6 հաշվով զիջեց Գրիգոր Դիմիտրովին:
«Արմենպրես»-ի հաղորդմամբ, ATP Պեկինի բաց առաջնությունը մեկնարկել է սեպտեմբերի 29-ին և կեզրափակվի հոկտեմբերի 5-ին: Մրցաշարի գործող չեմպիոնը սերբ Նովակ Ջոկովիչն է:
Բաժանորդագրվեք մեր ալիքին Telegram-ում