Ռիոն հանձնում է օլիմպիական հերթական «ստուգարք»-ը
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Միջազգային Օլիմպիական կոմիտեի ներկայացուցիչները հետևում են Օլիմպիական կառույցների շինարարություններին:
Բրազիլիական Ռիո դե Ժանեյրոն հանձնում է հերթական «օլիմպիական ստուգարքը»: Արդեն 7-րդ անգամ Ռիո են այցելում ՄՕԿ-ի 2016 թվականի Օլիմիական խաղերի վերահսկիչ կոմիտեի ներկայացուցիչները: Դեռևս մարտ ամսին կոմիտեի ներկայացուցիչների այցից հետո Բրազիլիան զգուշացվել էր. «Պետք չէ կորցնել մի օր անգամ»: Ինչպես երևում է, բրազիլացիներն զգուշացումն ընդունել են: Մեծ թափով աշխատանքներ են տարվում օլիմպիական գլխավոր կառույցում` Ռիոյի Բարա շրջանում, որտեղ կկայանան խաղերի 21 մարզաձևերի մրցելույթները:
«Արմենպրես»-ի հաղորդմամբ, այս մասին տեղեկացնում է ԻՏԱՌ-ՏԱՍՍ-ը:
Տարվող աշխատանքների վերաբերյալ միջազգային օլիմպիական կոմիտեի վերջնական գնահատականը կտրվի շաբաթվա վերջին, երբ ԶԼՄ-ների հետ զրույցում ՄՕԿ-ի ներկայացուցիչները իրենց կարծիքը կհայտնեն այս կամ այն աշխատանքի վերաբերյալ:
Բաժանորդագրվեք մեր ալիքին Telegram-ում