Ադրբեջանի ՊՆ-ն հայտնել է երկու զինվորի կորստի մասին
19:24, 23 Սեպտեմբեր 2014
ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանական բանակը սեպտեմբերի 23-ին երկու զինվորի կորուստ է տվել: Ինչպես փոխանցում է «Արմենպրես»-ը` վկայակոչելով ադրբեջանական լրատվամիջոցները, զինվորներից մեկը` Սադիգով Փարվիզ Վիդադին մահացել է «ինֆեկցիոն հիվանդությունից», իսկ մյուսը` Շաբիև Քերամետ Շամքիրը` սահմանային առաջնագծում:
Սեպտեմբերի 18-ին հակառակորդի կողմից հրադադարի ռեժիմի խախտման հետևանքով ղարաբաղա-ադրբեջանական զորքերի շփման գծում զոհվել էր զինծառայող, 1990թ. ծնված Մհեր Հովհաննեսի Հակոբյանը: ՀՀ պաշտպանության նախարար Սեյրան Օհանյանը դեպքի առնչությամբ հայտարարել էր, որ հայ զինվորի մահվան դեպքն անպատիժ չի մնա:
Բաժանորդագրվեք մեր ալիքին Telegram-ում