Երևանում կանցկացվեն Կոմիտասի 145-ամյակին նվիրված համերգներ
17:47, 22 Սեպտեմբեր 2014
ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: Կոմիտաս վարդապետի ծննդյան 145-րդ հոբելյանը կնշանավորվի մի շարք միջոցառումների անցկացմամբ: Ինչպես «Արմենպրես»-ին տեղեկացրին ՀՀ մշակույթի նախարարության հասարակայնության հետ կապերի բաժնից, սեպտեմբերի 23-ին Կոմիտասի անվան կամերային երաժշտության տանը կկայանա հնագույն երաժշտության «Տաղարան» համույթի համերգը: Իսկ սեպտեմբերի 25-ին Կամերային երաժշտության ազգային կենտրոնը հրավիրում է երգեհոնային երաժշտության երեկոյի՝ նվիրված Կոմիտասի ծննդյան 145-ամյակին: Կհնչեն Կոմիտասի ստեղծագործությունների երգեհոնային մշակումները:
Միջոցառումների մուտքն ազատ է:
Բաժանորդագրվեք մեր ալիքին Telegram-ում