Դիլիջանը դարձել Էր սիրողական սպորտի կենտրոն
ԵՐԵՎԱՆ, 22 ՍԵՊՏԵՄԲԵՐԻ,ԱՐՄԵՆՊՐԵՍ: Հայաստանի շուրջ 100 հեծանվորդ մասնակցեցին սեպտեմբերի 21-ին Դիլիջանում կայացած սիրողական հեծանվորտի «Մարզային գավաթ» առաջին մասայական մրցաշարին:
Ինչպես «Արմենպրես»-ին տեղեկացրեց Հայաստանի հեծանվասպորտի ֆեդերացիայի փոխնախագահ,Հայաստանի սիրողական հեծանվասպորտի եւ հեծանվային տուրիզմի ֆեդերացիայի նախագահ Արման Անտոնյանը, մասնակիցները հատեցին 10 կիլոմետր երթուղի Դիլիջանի կենտրոնում եւ տեղի ազգային զբոսայգում:
Անտոնյանի խոսքով, այս մրցաշարի հիմնական նպատակն Էր քարոզել հեծանվային մշակույթի զարգացումը եւ առողջ ապրելակերպը Հայաստանում: Այն նախատեսվում Է շարունակել ՀՀ տարբեր մարզերում եւ Արցախում:
Նա նշեց, որ նման միջոցառումների անցկացումը հայ հեծանվորդներին հնարավորություն կընձեռի ձեւավորել իրենց հավաքականը եւ մասնակցել սիրողական հեծանվասպորտի միջազգային մրցումներին:
Անտոնյանը տեղեկացրեց, որ այս միջոցառումը նվիրված Էր ՀՀ ազգային տոնին՝ Անկախության օրվան:
Բաժանորդագրվեք մեր ալիքին Telegram-ում