ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում սեպտեմբերի 22-ին` ժամը 01.57-ին, ահազանգ է ստացվել, որ Երևանի Մայիսի 9-ի և Գ. Նժդեհի փողոցների խաչմերուկում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ բախվել են «ԲՄՎ» մակնիշի 31 UU 777, «Միտցուբիշի» 34 PF 996 և «Դեյվու» մակնիշի 00 LO 134 պետհամարանիշերով ավտոմեքենաները: Հրշեջ-փրկարարներն ավտոմեքենայից դուրս են բերել «Դեյվու» մակնիշի ավտոմեքենայի վարորդ, 1987թ. ծնված Պ. Վ.-ին, ով հոսպիտալացվել է «Էրեբունի» ԲԿ: Ըստ բժիշկների՝ տուժածի առողջական վիճակը գնահատվել է բավարար: Հրշեջ-փրկարարները հոսանքազրկել են «ԲՄՎ» և «Դեյվու» մակնիշի ավտոմեքենաները և դադարեցրել գազի արտահոսքը: