Դեսպան Եգանյանը մասնակցել է Մարդու իրավունքների կանադական թանգարանի բացմանը
ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ: Կանադայում ՀՀ դեսպան Արմեն Եգանյանը կանադական Վինիպեգ քաղաքում մասնակցել է Մարդու իրավունքների կանադական թանգարանի (ՄԻԿԹ) բացման արարողությանը:
«Արմենպրես»-ի հաղորդմամբ` թանգարանի բացումը կատարել է Կանադայի գեներալ-նահանգապետ Դեյվիդ Ջոնսթընը: Կանադայում ՀՀ դեսպանությունը և թանգարանը սերտ համագործակցում են վերջին երեք տարիների ընթացքում, ինչի արդյունքում 2013թ. նոյեմբերին Հայոց ցեղասպանության թանգարան-ինստիտուտի և Մարդու իրավունքների կանադական թանգարանի միջև ստորագրվել է փոխըմբռնման հուշագիր: Փաստաթուղթը նախատեում է համագործակցություն Հայոց ցեղասպանության ուսումնասիրման, գրահրատարակչության, կրթության, համատեղ ցուցադրությունների կազմակերպման, տեղեկատվության, խորհրդատվության փոխանակման և այլ ոլորտների վերբերյալ:
Մարդու իրավունքների կանադական թանգարանը Հայաստանից դուրս միակ պետական թանգարանն է, որ ներառում է մշտական ցուցահանդես Հայոց ցեղասպանության վերաբերյալ։
Բաժանորդագրվեք մեր ալիքին Telegram-ում