Սուսերամարտիկներն սկսել են մրցավեճը երեւանյան միջազգային մրցաշարում
19:22, 20 Սեպտեմբեր 2014
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի, Ռուսաստանի, ԱՄՆ-ի եւ Վրաստանի շուրջ 100 մարզիկներ մասնակցում են սեպտեմբերի 20-ին Երեւանի «Դինամո» մարզասրահում մեկնարկած եւ ՀՀ Անկախության տոնին նվիրված սուսերամարտի ավանդական միջազգային մրցաշարին:
Ինչպես «Արմենպրես»-ին հայտնեց Հայաստանի սուսերամարտի ֆեդերացիայի նախագահ Արմեն Գրիգորյանը, մրցաշարին մասնակցելու համար ընտրվել են սուսերամարտի դասական, լավագույն ավանդույթներն ունեցող երկրները: Նա նշեց, որ այս մրցաշարը անցկացվում Է արդեն 3-րդ անգամ, եւ Հայաստանի սուսերամարտի ֆեդերացիան ցանկանում Է, որ այն ընդգրկվի սուսերամարտի միջազգային ֆեդերացիայի պաշտոնական օրացույցում:Մրցաշարի եզրափակիչ մրցամարտերը կանցկացվեն սեպտեմբերի 21-ին, ազգային տոնի օրը:
Բաժանորդագրվեք մեր ալիքին Telegram-ում