Մենք այժմ այլ ֆուտբոլ ենք խաղում. Յուրգեն Կլոպ
17:56, 20 Սեպտեմբեր 2014
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Դորտմունդի «Բորուսիա»-ի գլխավոր մարզիչ Յուրգեն Կլոպի կարծիքով` Ռոբերտ Լևանդովսկու հեռանալուց հետո «մեղուները» սկսլե են այլ ֆուտբոլ խաղալ:
«Մենք այժմ այլ ֆուտբոլ ենք խաղում: Այն, որ մեր բոլոր տղաները իսկապես լավ ֆուտբոլ խաղալ գիտեն, մենք գիտենք: Սակայն պետք չէ մոռանալ, որ հարմարվելը երկար կտևի: Ես չեմ մտահոգվում, թե մենք սահուն խաղ ունենք, այլ մտածում եմ հաջորդ հանդիպումներին պատրաստ լինելու համար»,-«Արմենպրես»-ի հաղորդմամբ, Յուրգեն Կլոպի խոսքերը մեջբերում է գերմանական Bild պարբերականը:
Դորտմունդի «Բորուսիա»-ն Բունդեսլիգայի 3 տուրից հետո ունի 6 միավոր և մրցաշարային աղյուսակում զբաղեցնում է 4-րդ հորիզոնականը: Կլոպի սաները հաջորդ հանդիպումն այսօր կանցկացնեն «Մայնց»-ի հետ:
Բաժանորդագրվեք մեր ալիքին Telegram-ում