Հայաստանցի 3 բռնցքամարտիկներ եզրափակչում են
ԵՐԵՎԱՆ,19 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանցի 3 բռնցքամարտիկներ՝ 52 կգքաշային Կորյուն Սողոմոնյանը, միջին քաշային Հենրիկ Սարգսյանը եւ 75 կգ քաշային Արման Հովիկյանը դուրս են եկել Լեհաստանում ընթացող Լեշեկ Դրոգոշի բռնցքամարտի միջազգային հուշամրցաշարի եզրափակիչ:
Ինչպես տեղեկացնում Է «Արմենպրես»-ը, Սարգսյանը կիսաեզրափակիչում հաղթել Է հունգարացի Դիլ Զաբոլցին եւ մրցաշարի հաղթողի կոչումը կվիճարկի թուրք մարզիկ Սեյդա Քենսերի հետ:
Հովիկյանը հաղթել Է իսրայելցի Արտյոմ Մասլինին եւ վճռական փուլում կհանդիպի ամերիկացի Լե Շավի Ռոդրիգեսի հետ:
Իսկ Սողոմոնյանն առավելության Է հասել բրազիլացի Տուլիո Նետոյի նկատմամբ եւ եզրափակիչում կմրցի ամերիկացի Մալիք Ջեքսոնի հետ:
Եզրափակիչ մրցամարտերը կանցկացվեն սեպտեմբերի 20-ին:
Կանանց մրցաշարում 60 կգքաշային Աշխեն Հովհաննիսյանն եզրափակչում զիջել Է Ադրբեջանը ներկայացնող Յանա Ալեքսեեւային:
Դրոգոշ անունը լավ հայտնի Է Հայաստանի մարզական հանրությանը` որպես Լեհաստանի լավագույն բռնցքամարտիկներից մեկի, լեգենդար Վլադիմիր Ենգիբարյանի հավերժ մրցակցի:
Բաժանորդագրվեք մեր ալիքին Telegram-ում