Շոտլանդական վիսկի արտադրողները ուրախությամբ են ընդունել հանրաքվեի արդյունքները
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Շոտլանդական վիսկի արտադրողները թեթեւացում եւ ուրախություն են զգացել հանրաքվեի արդյունքների եւ Մեծ Բրիտանիայում շարունակվող կայունության կապակցությամբ, տեղեկացնում է «Արմենպրես»-ը՝ հղում անելով «Ֆրանսպրես» գործակալությանը:
«Կեցցե կայունությունը, որը հաստատվել է կատարված ընտրության շնորհիվ»,-ասել է Շոտլանդական վիսկիի ասոցիացիայի գլխավոր տնօրեն Դեւիդ Ֆրոսթը:
Ասոցիացիան անհանգստացած Էր այն երկյուղներից, որ անկախություն ստանալու եւ Եվրամիությունից դուրս գալու դեպքում շոտլանդական վիսկին կկորցնի այն հզոր աջակցությունը, որը ցուցաբերվում Է բրիտանացի դիվանագետների կողմից:
Վիսկին իր կարեւորությամբ Շոտլանդիայի երկրորդ արտահանական արտադրանքն Է, որը զիջում Է միայն նավթին: Անցալ տարի այդ ալկոհոլային խմիչքի արտահանական մատակարարումների արժեքը կազմել Է շուրջ 5,4 մլրդ դոլար, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում