Հայաստանի երիտասարդ բռնցքամարտիկները կմասնակցեն Եվրոպայի առաջնությանը
ԵՐԵՎԱՆ,18 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի 8 բռնցքամարտիկներ կմասնակցեն հոկտեմբերի 16-ին Խորվաթիայի մայրաքաղաք Զագրեբում մեկնարկող բռնցքամարտի Եվրոպայի երիտասարդական առաջնությանը:
Այս մասին «Արմենպրես»-ին տեղեկացրեց ՀՀ վաստակավոր մարզիչ, Հայաստանի բռնցքամարտի երիտասարդական հավաքականի գլխավոր մարզիչ Վազգեն Բադալյանը:,
Նա նշեց, որ տարբեր պատճառներով այս մրցաշարին չեն մասնակցի 64կգ քաշային Արմեն Մխիթարյանը եւ 75կգ քաշային ԳեւորգՊետրոսյանը, հետեւաբար մեր թիմն արդեն իսկ կորուստներ Է ունեցել:
Բադալյանը նշեց, որ Հայաստանի մարզիկները լավագույնս կարող են մասնակցել մրցաշարի 10 քաշային կարգերից 8-ում:
Մինչ Խորվաթիա մեկնելը Հայաստանի բռնցքամարտի երիտասարդական հավաքականը մեկ ուսումնամարզական հավաք կանցկացնի, որի վայրն առայժմ ճշտվում Է:
Բաժանորդագրվեք մեր ալիքին Telegram-ում